بەهامیدیا

دەگێڕنەوە وێنەکێشێک خەونی ئەوەبوو کە جوانترین وێنە بکێشێت لە جیهاندا ڕۆژێک لەسەر رێگایەکی سەرەکی دەوەستێت و  هەر کەسێک لەوێوە تێپەڕ دەبێت پرسیاری لێدەکات  ڕۆژێک پیاوێکی بەتەمەنی ڕیش سپی
 دێتە سەر ڕێگاکەی و لێیدەپرسێت: پێناسەی جوانی لای تۆ چییە؟  پیاوە پیرەکە وتی : جوانی واتە متمانە.

دوای کەمێک خانمێکی شیکی ڕێکپۆش دێت و هەمان پرسیاری لێدەکات. خانمەکە دەڵێت: خۆشەویستی جوانترین شتە لە جیهاندا.

دوای ماوەیەکی تر سەربازێک کە تازە لە جەنگ گەڕاوەتەوە، دەگاتە بەردەمی و لێی دەپرسێت جوانی لای تۆ چییە؟

سەربازە دەڵێت: جوانترین شت لە جیهاندا، ئاشتییە، لەکوێ ئاشتی هەبێت، ئەوا لەوێ جوانی هەیە.

وێنەکێشەکە  بە ڕێگاوە بیری لەوە دەکردەوە کە چۆن وێنەیەک بکێشێت متمانە و خۆشەویستی و ئاشتی پێکەوە کۆبکاتەوە وێنە کیشەکە کاتێک دەگاتە ماڵەوە متمانە لە چاوی منداڵەکانیدا دەبینێت خۆشەویستی لە میهرەبانی هاوسەرەکەیدا هەردووکیشی ڕۆحی پڕ دەکات لە ئاسوودەیی و دڵخۆشی و ئاشتی. 

لەمەوە بۆی دەرکەوت کە جوانترین شت لە جیهاندا وێنەى خێزانە خێزان ئەو شوێنەیە کە زەردەخەنەی منداڵ و میهرەبانی دایک و توانا و هێزی باوکی تیادا کۆدەبێتەوە لەخێزاندا ئەو دڵانە دەدۆزینەوە کە دەزانن خۆشەویستی چییە.