بەهامیدیا

ھەندێک لە خۆراکەکانی ڕۆژانەمان ئەگەر گەرم بکرێنەوە دەگۆڕێن بۆ ژەھر و زیان بە تەندروستیمان دەگەیەنن، لێرەدا نۆ لە باوترینیان دەخەینەڕوو:

 1-برنج: برنج دەتوانێت بەکتریای باسیلەسی تێدابێت، کە لەوانەیە لە کاتی چێشت لێناندا بمێنێتەوە و گەشە بکات و ببێتە ژەهری زیانبەخش ئەگەر برنج لە پلەی گەرمی ژووردا بەجێبهێڵرێت و دواتر گەرمبکرێتەوە. ئەمەش دەبێتە هۆی ژەهراویبوونی خۆراک.
 
2- خواردنی دەریایی: گەرمکردنەوەی خواردنە دەریاییەکان بەتایبەتی ماسی دەبێتە هۆی گەشەکردنی بەکتریا، ئەمەش ئەگەری تووشبوون بە نەخۆشییە گواستراوەکانی خۆراک زیاد دەکات ئەگەر بە باشی گەرم نەکرێتەوە.
 
3- ئەو خۆراکانەی لەسەر بنەمای شیر دروستکراون: بەرهەمە شیرەمەنیەکانی وەک شیر و پەنیر و کرێم ئەگەر دووبارە گەرمکرانەوە بەکتریا زیانبەخشەکان لەخۆدەگرن. ئەمەش دەبێتە هۆی کێشەی هەرس و نەخۆشییە گواستراوەکانی خۆراک.
 
4-پەتاتە: ئەگەر پەتاتە دوای لێنانی بە دروستی هەڵنەگیرا، ئەوا دەتوانێت ببێتە شوێنی زاوزێی بەکتریا زیانبەخشەکانی وەکو کلۆستریدیۆم بۆتولینەم. گەرمکردنەوەیان بە شێوەیەکی نادروست دەبێتە هۆی ژەهراویبوونی خۆراک.
 
5-خۆراکی سورکراوە: گەرمکردنەوەی خۆراکە سورکراوەکان دەبێتە هۆی دروستبوونی پێکهاتەی زیانبەخش بەتایبەتی کاتێک ئەو زەیتانەی بۆ سوورکردنەوە بەکاردەهێنرێن تێکدەچن. ئەمەش دەبێتە هۆی دروستبوونی ماددە ژەهراویەکان و مەترسی تووشبوون بە نەخۆشییە گواستراوەکانی خۆراک زیاد دەکات.
 
6- هێلکە: هێلکە، کاتێک گەرم دەکرێتەوە، گۆڕانکاری کیمیایی بەسەردا دێت کە ڕەنگە هەرسکردنی قورس بکات و هەروەها ئەگەری پیسبوونی بەکتریا زیاد دەکات، بەتایبەتی ئەگەر بە تەواوی گەرم نەکرێتەوە.
 
7. سەوزەی گەڵادار (وەک سپێناخ): سەوزەی گەڵادار وەک سپێناخ و سڵق ڕێژەیەکی بەرزی نیتراتیان تێدایە، کە دەتوانێت بگۆڕێت بۆ نیتراتی زیانبەخش لەکاتی گەرمکردنەوەدا. ئەمەش دەبێتە هۆی کێشەی هەرس و مەترسی تەندروستی تر.
 
8-چای: گەرمکردنەوەی چا دەبێتە هۆی ئەوەی تامەکەی و دژە ئۆکسانەکانی لەدەست بدات. 
هەروەها دەتوانێت تانینەکان چڕ بکاتەوە، کە لەوانەیە گەدە بڕوشێنێت و تووشی برینی گەدەت بکات.
 
9- قاوە: گەرمکردنەوەی قاوە دەبێتە هۆی گۆڕینی تامەکەی، هەروەها بە ھەمان شێوەی چای دەبێتە هۆی داخورانی کۆئەندامی هەرس.

بۆ کەمکردنەوەی مەترسییەکان، زۆر گرنگە خۆراکەکان بە سەلامەتی هەڵبگیرێن، دوور بکەوەرەوە لە گەرمکردنەوەی خۆراکەکان چەندین جار، و دڵنیابە لەوەی کە دەگەنە پلەی گەرمی گونجاو کاتێک گەرم دەکرێنەوە. ئەمەش یارمەتیدەرە بۆ ڕێگریکردن لە گەشەی بەکتریا زیانبەخشەکان و دروستبوونی مادەی ژەهراوی.

سەرچاوە: Economic Times