بەهامیدیا

نەرمین مەعروف، پەرلەمانتاری یەكێتیی لە لیژنەی دارایی پەرلەمانی عێراق بە بەهامیدیای ڕایگەیاند: دەرکەوتووە بەغدا ساڵی ڕابردوو کەمتر پارەى بۆ هەرێمی کوردستان ناردووە بەجۆرێک رێژەی ( 11.96٪) کۆی خەرجکراوە بۆ موچەی عێراق.
وتیشی: بەپێی داتاکانیی وەزارەتی دارایی فیدڕاڵ، دەرکەوت تاکۆتایی مانگی (12) بڕی تەمویلکراو بۆ موچەی هەرێم لەساڵی (2024) کەمترە لە کۆی تەرخانکراو بۆ موچەی هەرێم لە بودجەی 2024 

ئەندامەکەى لیژنەى دارایی زیاتر ڕوونیکردەوە، بەغدا لەبری(11)تریلیۆن و (576) ملیار تەنها (10) تریلیۆن و(738) ملیار دیناری ناردووە.

لە ئێستادا کە خوێندنەوەى دووەم بۆ هەمواری یاسای بودجەى ساڵی ٢٠٢٥ کراوە، بە هەمان شێوە پارەیەکی کەمتر بۆ هەرێمی کوردستان دیاری کراوە، ئەوەش دوای دەرکردنى پارەى هەرێم لە خەرجی کرداری کە ئەو کاتە ڕێژەکە لە ١٢% کەمتر دەبێت.