بەهامیدیا

وەزارەتی پلاندانانی عێراق، ئەمڕۆ لە کۆنگرەیەکی رۆژنامەوانیدا ئەنجامی کۆتایی سەرژمێری گشتی دانیشتیوانی راگەیاند، کە ژمارەی دانیشتوان گەیشتوەتە 46 ملیۆن و 118 هەزار و 793 کەس.

ئەمڕۆ دووشەممە 24ـی شوبات، محەمەد عەلی تەمیم، جێگری سەرۆکوەزیران و وەزیری پلاندانانی عێراق، لە هۆتێل بابل لە بەغدا لە مەراسیمێکدا بە ئامادەبوونی وەزیر، پەرلەمانتار، سەرۆکی دەستە و باڵێۆزەکانی وڵاتان ئەنجامی کۆتایی سەرژمێریی گشتیی دانیشتووان ڕاگەیاند، کە لە 20ی تشرینی یەکەمی ساڵی رابردوو بەڕێوەچوو، بەپێی دەرەنجامەکان ژمارەی دانیشتوان گەیشتووەتە 46 ملیۆن و 118 هەزار و 793 کەس، لەو ژمارەیەش 70.17% شارنشین و 29.83% گوندنشینن.


دابەشبوونی دانیشتوان بەپێی ڕەگەز:

رەگەزی نێر: 50.22%

رەگەزی مێ: 49.78%

بەپێی دەرەنجامەکان دابەشبوونی دانیشتوان بەپێی تەمەن بەمشێوەیەیە:

تەمەنی خوار پێنج ساڵ: 11.16%

تەمەنی 5-14 ساڵ: 24.74%

تەمەنی 15-64 ساڵ: 60.44%

65 ساڵ و زیاتر: 3.66%

دابەشبوونی دانیشتوان بەپێی باری خێزانی:

سەڵت: 41.6%

خێزاندار: 54.01%

جیابوەوە: 1.28%

بێوەژن- بێوەپیاو: 2.8%

ئەو خێزانانەی خاوەنی یەکەی نیشتەجێبوونی خۆیانن: 72.15%

شارنشین: 70.17%

گوندنشین: 29.83%