بەهامیدیا

سەرۆکی دەستەی دەروازە سنوورییەکانی عێراق رایگەیاند، پڕۆسەی بەستنەوەی ئەلیکترۆنی بۆ سەرجەم دەروازە سنوورییە وشکانی و دەریاییەکان و ئاسمانییەکان تەواوبووە.

سەرۆکی دەستەی دەروازە سنوورییەکانی عێراق رایگەیاند، پڕۆسەی بەستنەوەی ئەلیکترۆنی بۆ سەرجەم دەروازە سنوورییە وشکانی و دەریاییەکان و ئاسمانییەکان تەواوبووە و لە ماوەی دوو مانگدا زیاتر لە ٤٠٠ ملیار دینار داهاتیان هەبووە.

ئاماژەی بەوەشکرد، پرۆسەی بەستنەوەی سەرجەم دەروازە سنوورییە وشکانی و دەریاییەکان و ئاسمانییەکانی بە ژوورێکی ئۆپەراسیۆنی ناوەندی یەکگرتوو تەواوبووە، کە ئێستا ئۆپەراسیۆنەکانی کۆنترۆڵکردن بە شێوەیەکی راستەوخۆ و بە شێوەیەکی رێکخراو لە رێگەی سیستەمێکی ئۆتۆماتیکی ئەلیکترۆنیەوە بەڕێوەدەبرێن.

باسی لەوەشکرد، بەستەری ئەلیکترۆنی بوارە جیاوازەکانی رێکخستن دەگرێتەوە، لەوانە وردبینیکردن و پشکنینی کاڵاکان، وردبینیکردنی بەرنامەی لێخۆشبوون بۆ هاوردەکردن بۆ وڵات، و چاودێریکردن و وردبینی پسوڵە.

روونیکردەوە، ئامارە سەرەتاییەکانی مانگەکانی کانونی دووەم و شوباتی ئەمساڵ، داهاتی زیاتر لە ٤٠٠ ملیار دینار بووە.