بەهامیدیا

توێژینەوەیەکی ئەم دواییە ئاشکرای کردووە، ئەو ژنانەی کە بە ھۆڕمۆن ڕێگری لە دووگیانی دەکەن، وەک حەب یان دەرزی یان ئەڵقەی ھۆرمۆنی، ڕووبەڕووی مەترسی زیاتری خەمۆکی دوای منداڵبوون دەبنەوە. 

توێژەران داتای زیاتر لە 180 هەزار خانمیان شیکردەوە و بۆیان دەرکەوت ئەوانەی پێش دووگیانی ڕێگری هۆرمۆنی بەکاردەهێنن، ئەگەری تووشبوونیان بە خەمۆکی زیاترە لە ساڵی یەکەمی دوای منداڵبوون. 
مەترسییەکان بە تایبەتی بۆ ژنانی گەنج و ئەوانەی پێشینەی کێشەی تەندروستی دەروونییان هەبووە زۆر  زیاتر بووە. 
ڕێگری لە دووگیانی هۆرمۆنی کاریگەری لەسەر ئاستی ئیسترۆجین و پرۆجسترۆن هەیە، کە ڕۆڵێکی سەرەکی دەگێڕن لە ڕێکخستنی باری دەروونیدا. شارەزایان پێشنیاری ئەوە دەکەن کە ئەم گۆڕانکارییە هۆرمۆنانە دەتوانێت هەندێک لە خانمان زیاتر تووشی خەمۆکی دوای منداڵبوون بکەن. 

خەمۆکی دوای منداڵبوون نزیکەی یەک لە هەر ٧ ژن تووشی دەبێت و دەتوانێت ببێتە هۆی کێشەی توندی سۆزداری و جەستەیی. 
نیشانەکانی بریتین لە دڵتەنگی و ماندوێتی و سەختی پەیوەندی لەگەڵ کۆرپەکەدا. ئەو ژنانەی کە پلانی دووگیانیان نییە، پێویستە بژاردەی کۆنتڕۆڵی لەدایکبوونی نا هۆرمۆنی لەبەرچاو بگرن ئەگەر نیگەرانن لە مەترسییەکانی خەمۆکی. لێکۆڵینەوەی زیاتر پێویستە بۆ ئەوەی بە تەواوی لە پەیوەندی نێوان ڕێگری لە دووگیانی و تەندروستی دەروونی دوای منداڵبوون تێبگەین. 

سەرچاوە :Medical News