بەهامیدیا

پێوەدانی ھەزارپێ دەتوانێت ئازاربەخش بێت بەڵام بە دەگمەن مەترسیدارە بۆ مرۆڤ. ئەم پێوەدانانە بەزۆری وەک دوو نیشانەی بچووکی کونکردن دەردەکەون لەسەر پێست، هاوشێوەی پێوەدانی مێرووەکانی تر، و لەوانەیە ببنە هۆی سووربوونەوە و ئاوسانی و ئازارێکی سووک بۆ مامناوەند. 

ناوچەی دەوروبەری پێوەدانەکە دەتوانێت سوورببێتەوە و خورانی ھەبێت، نیشانەکانی لە چەند کاتژمێرێکەوە تا یەک دوو ڕۆژ دەخایەنێت. 

ڕەنگە هەندێک کەس هەست بە سووتانی سووک یان بێهێزی بکەن بەهۆی ژەهرەکەیەوە کە بۆ خۆی بۆ ئیفلیجکردنی نێچیرکەی بەکاردێنێت. 

لە کاتێکدا زۆربەی پێوەدانەکان خۆیان چاک دەبنەوە، پاککردنەوەی برینەکە بە ئاو و سابوون دەتوانێت ڕێگری لە هەوکردن بکات. بەکارهێنان تەنێکی سارد یارمەتی کەمکردنەوەی ئاوسان و ئازار دەدات. هەروەها دەرمانی ئازارشکێن یان دژە ھەستیاری دەتوانن ناڕەحەتی کەم بکەنەوە ئەگەر پێویست بوو. 

کاردانەوەی توند وەک سەختی هەناسەدان یان ئاوسانی زۆر دەگمەنە بەڵام پێویستی بە چاودێری پزیشکی هەیە. بە شێوەیەکی گشتی ھەزارپێ لەکاتی ھەستکردن بە هەڕەشە گاز دەگرن، بۆیە دوور بکەوەرەوە لە مامەڵەکردن لەگەڵیان. 

ئەوان شوێنی تاریک و شێداریان پێ باشترە، بۆیە کەمکردنەوەی شێ و شپرزی لە ماڵەکەتدا دەتوانێت یارمەتیدەر بێت لە ڕێگریکردن لە گەشەکردنیان. 

هەروەها بەکارھێنانی دەستکێش لە کاتی کارکردن لە باخچە یان گواستنەوەی پاشماوە دەتوانێت مەترسی گازگرتن کەم بکاتەوە.

سەرچاوە:Orkin