بەهامیدیا

تا ئێستا ھەستت بەو خەواڵوییە کردووە کە دوای خواردنەوەی ماستاو و دۆ ڕوودەدات؟ ئەوە تەنها قسەیەکی باو نییە بەڵکو ڕاستی زانستی لە پشتە، دۆ و ماستاو پڕە لە تریپتۆفان کە ترشێکی ئەمینییە و ھانی بەرهەمهێنانی سیرۆتۆنین و میلاتۆنین (ھۆرمۆنی خەو) دەدات.

ئەو ماددە کیمیاییانە میزاج و خەوتن ڕێکدەخەن، کاتێک جەستەت ئەمانە زیاد دەکات، بە شێوەیەکی سروشتی دەست دەکەیت بە هەستکردن بە ئارامی و خەواڵویی. لەگەڵ ئەوەشدا، بەزۆری لەگەڵ ژەمەکاندا دەخورێت بە تایبەت ژەمە چەور و قورسەکان، کە ئەو کاتەیە جەستەت دەگۆڕێت بۆ دۆخی هەرسکردن، ئەمەش خوێن لە مێشک دوور دەخاتەوە و ئەو هەستە خەواڵووییە زیادتر دەکات. 

هەروەها کاریگەریە فێنککەرەوەکەی جەستە ئارام دەکاتەوە و گەرمی کەم دەکاتەوە، ئەمەش وا دەکات زیاتر هەست بە ئاسوودەیی بکەیت. لە ڕۆژانی گەرمدا، ئەم خواردنەوە وەک فێنککەرەوەی سروشتی  کاردەکات. 

جگە لە خەسڵەتە ئارامبەخشەکەی دەوڵەمەندە بە بەکتریا سوودبەخشەکان، یارمەتی هەرسکردن دەدات و ترشەڵۆکی گەدە کەمدەکاتەوە و ڕیخۆڵەکانت بە تەندروستی دەهێڵێتەوە.

سەرچاوە: Rufil.