بەهامیدیا

دڵەڕاوکێ تەنها کاریگەری لەسەر مێشک و دەروونت نییە، دەتوانێت ببێتە هۆی نیشانە جەستەییە ڕاستەقینەکان. 
ئەوانەی باون بریتین لە:  

- لێدانی خێرای دڵ: ھەستکردن بە خێرالێدانی دڵ، یان دڵەکوتێ.  

- ئارەقکردنەوە: زۆر ئارەقکردنەوە، تەنانەت کاتێک کەشەکە گەرم نەبێت یان چالاکی جەستەیی ئەنجام نەدەیت.  

- لەرزین: لەرزینێکی کۆنترۆڵنەکراو، زۆرجار لە دەستەکاندا.  

- تەنگبوونی هەناسە: کێشەی هەناسەدان یان هەستکردن بەوەی کە ناتوانیت هەوای پێویست بەدەست بهێنیت.  

- گرژبوونی سنگ: ناڕەحەتی یان فشار لە سنگدا، بەڵام بۆ ئەم نیشانەیە پێویستە ڕاستەوخۆ بچیتە نەخۆشخانە تا دڵنیابیتەوە ھۆکارەکەی نەخۆشی دڵ نییە.

- کێشەی سکچوون یان گەدە: تێکچوونی گەدە، گرژبوون، یان تەنانەت سکچوون.  

- سەرگێژخواردن: هەستکردن بە ناجێگیری یان بێهۆشبوون.  

- گرژبوونی ماسولکەکان: توندبوونی ماسولکەکان، بەتایبەتی لە مل، شان.  

- ماندوێتی: هەستکردن بە ماندوێتی لەڕادەبەدەر، تەنانەت بەبێ چالاکی جەستەیی.  

- سەرئێشە: سەرئێشەی ئاسایی یان شەقیقە.  

ئەم نیشانانە لەبەر ئەوە ڕوودەدەن کە دڵەڕاوکێ جەستە دەخاتە باری شەڕکردن، هۆرمۆنەکانی فشار وەک ئەدرنالین زیاد دەکات.
 ئەگەر نیشانەکان توند بوون یان بەردەوام بوون، لەگەڵ پزیشک قسە بکە بۆ ئەوەی حاڵەتەکانی تر ڕەت بکاتەوە. کۆنترۆڵکردنی دڵەڕاوکێ لە ڕێگەی پشوودان، چارەسەرکردن بە ڕاوێژ، یان دەرمانەوە دەتوانێت یارمەتیدەر بێت بۆ کەمکردنەوەی ئەم کاریگەرییە جەستەییانەی.

سەرچاوە:MNT