بەهامیدیا

پسپۆڕێکی خەوی منداڵان پێشنیاری ئەوە دەکات کە ڕێگە بدرێت کۆرپەکان لە نزیک ئامێری جل شۆردن کە کاردەکات بخەون و هۆکارێکی باشی هەیە بۆ ئەو بۆچوونەی. 

بەپێی وتەی پرۆفیسۆر هێلین بۆڵ لە زانکۆی دورهام، ژاوەژاوی بەردەوام و ئاست نزم لە ئامێرەکانی ناوماڵ وەک ئامێری جل شۆردن دەتوانێت یارمەتی ئارامکردنەوەی کۆرپە بدات بۆ خەوتن. 

ئەم جۆرە دەنگە کە زۆرجار پێی دەوترێت ژاوەژاوی سپی، ھاوشێوەی ژینگەی سکی دایکە و دەتوانێت وا لە کۆرپە بکات هەست بە ئارامی و ئاسایش بکات ھەر وەک ئەو کاتانەی لە سکی دایکیدا بوو. 

هەروەها ئامۆژگاری دانانی کۆرپە لە ژوورە ڕووناککراوەکاندا دەکات بۆ خەوتن لە کاتی ڕۆژدا بۆ ئەوەی یارمەتیان بدات جیاوازی بکەن لە نێوان کاتی شەو و ڕۆژدا، ئەمەش پاڵپشتی خووی خەوتنی تەندروست دەکات. 

ڕێگەدان بە نووستنی کۆرپە لە ڕۆژدا لە بێدەنگی و تاریکییەکی تەواودا، ڕەنگە کاتژمێرەکانی ناوەوەیان تێکبدات و خەوی شەوانە خراپ بکات. 

بۆیە لەبری ئەوەی ژینگەیەکی بێدەنگ و تاریک بۆ خەوتنی ڕۆژانەی دروست بکەیت، ژوورێکی ڕووناک کە ژاوەژاوی نەرمی هەبێت (وەکو ئامێری شۆردن) لە ڕاستیدا دەتوانێت یارمەتیدەری خەوتنی باشتربێت.

سەرچاوە:The Guardian