ئایا ئاوی چەم و کانی سەلامەتە بۆ خواردنەوە؟
بەهامیدیا
ڕەنگە ئاوی چەم و کانی ڕوون و فێنک و سەرنجڕاکێش دەرکەوێت، بە تایبەت کاتێک لە دەرەوە لە سروشتدایت، بەڵام خواردنەوەی بەبێ پاکژکردنەوەی مەترسیدارە. تەنانەت ئەگەر ئاوەکە پاک دەربکەوێت، دەتوانێت هەڵگری بەکتریا زیانبەخشەکانی وەک ئیکۆلای و سەلمۆنێلا و مشەخۆری وەک جیاردیا بێت، کە دەبێتە هۆی ھەوکردنی گەدە و ڕیخۆڵە و سکچوون و نیشانە توندەکانی تر.
ئەم میکرۆبانە زۆرجار لە پاشماوەی ئاژەڵەکانەوە، ڕووەکی خراپبووەوە، یان پیسبوونێکیتر کە لە سەرەوەی سەرچاوەکەوە دێن بۆ نموونە ڕەنگە کۆمەڵێک خەڵکی ناڕۆشنبیر پاشماوە و زبڵ تێکەڵ بە ئاوەکە بکەن کە ناتوانیت بیبینیت.
لە هەندێک ناوچەدا، ئاوی کیمیایی لە کێڵگە، کارگە، یان ڕێگاوبانەکانەوە دەتوانێت کانزا قورسەکان و ماددەی کیمیایتر تێکەڵ بە چەمەکە بکات، ئەمەش مەترسیدارتری دەکات. تەنها لەبەر ئەوەی ئاوەکە لە سروشتەوە دێت و لێی دەڕوات مانای ئەوە نییە کە پاکە، سروشت هەموو شتێک فلتەر ناکات.
هەر بۆیە شارەزایان هەرگیز پێشنیاری ئەوە ناکەن کە ئاوی کانی و چەمەکان ڕاستەوخۆ بخورێتەوە.
هەواڵە خۆشەکە ئەوەیە، ڕێگەی سادە هەیە بۆ ئەوەی سەلامەت بێت. کوڵاندنی ئاوەکە زۆربەی بەکتریا و مشەخۆرەکان دەکوژێت. هەروەها دەتوانیت حەبی پاککردنەوەی ئاو، دڵۆپی یۆد، یان فلتەر بەکاربهێنیت کە بۆ خاوێنکردنەوەی ئاو دروستکراون، کە هەڵگرتنیان ئاسانە و زۆر کاریگەرن. ئەم ئامرازانە بە تایبەتی بەسوودن ئەگەر تۆ حەزت بە گەشتی ناو سروشتە.
aqua safe:سەرچاوە
|